30 сакавіка клуб інтэлектуальнага адпачынку «Факультатыў» ладзіць лекцыю пра сучасны мастацкі рынак і яго ўдзельнікаў. Лектарка — мастацтвазнаўца Дар’я Пушко.
Дата: 30 сакавіка
Час: 19.00
Месца: Арт Фабрыка, вул. Свярдлова, 2, Мінск
Гаворка пойдзе аб законах і правілах функцыянавання арт-рынку, яго буйных і аўтарытэтных удзельніках, аб адрозненнях міжнароднага і беларускага кантэксту, аб тым, ці выжывуць галерэі класічнага тыпу ў эпоху інстаграма, а таксама аб гульцах другаснага арт-рынку — ключавых аўкцыённых дамах і іх уплыве на цэнаўтварэнне.
Мерапрыемства адбудзецца ў прасторы «Арт Фабрыка», лектарка далучыцца анлайн.
Дар’я Пушко — мастацтвазнаўца, арт-эдвайзерка, лектарка, куратарка «Факультатыва» і курса «Школа калекцыянера».
Кошт удзелу — 50 рублёў. Квіткі толькі анлайн па спасылцы.
