ПАДЗЕЯ ДНЯ: Круглы стол з лідаркамі і ўдзельніцамі жаночага дэмакратычнага руху Беларусі ў Вільні
26.03.2024
17:00 - 19:00
Віленскі беларускі музей імя Івана Луцкевіча (Vilniaus g. 20)
Бясплатнае
Музей Вольнай Беларусі ў Варшаве рыхтуе ў гэтым годзе наратыўную выстаўку «Несціхаючыя галасы», якая прысвечана жаночым пратэстам у Беларусі і накіравана на павышэнне бачнасці і прызнання ролі жанчын у грамадска-палітычных падзеях, што адбываліся тады, адбываюцца сёння, на радзіме і ў вымушанай эміграцыі.
Пасля адкрыцця ў Варшаве выстаўка працягне сваё экспанаванне ў Вільні, у Музеі Івана Луцкевіча.
У праграме Круглага стала: знаёмства з праектам і канцэпцыяй выстаўкі «Несціхаючыя галасы».
Абмеркаванне яе праблематыкі.
Асноўныя пытанні да дыскусіі:
— Наколькі важна сёння гаварыць пра падзеі 2020 года ў Беларусі і ролі жаночага руху?
— Якія гісторыі поспеху ў жаночым руху Беларусі, на вашу думку, могуць стаць натхненнем для іншых жанчын?
— Якія перспектывы і мэты жаночага руху ў кантэксце стварэння больш справядлівага грамадства ў Беларусі?
— Якая роля жанчын у сучасным беларускім дэмакратычным руху і які ўнёсак і ўплыў яны могуць аказаць у гэтым кантэксце?
— Як жаночы рух супрацоўнічае з іншымі сацыяльнымі групамі ў імкненні да дасягнення грамадскай справядлівасці?
Прымайце ўдзел у круглым стале, каб падзяліцца сваімі меркаваннямі і парадамі ў рамках заяўленай тэмы.
Месца: Дом беларускай культуры і салідарнасці, Віленскі музей імя Івана Луцкевіча, Vilniaus g. 20
Дата: 26 сакавіка 2024 года
Час: 17.00 — 19.00
Паведаміць пра свой удзел трэба на электронны адрас: verasbor24@gmail.com (Ала Сташкевіч)
