У нядзелю, 15 студзеня, Нацыянальны цэнтр сучасных мастацтваў запрашае на «Крыштальныя Каляды ў Эндзі». Падрыхтавалі тры гадзіны забаў!
Дата: 15 студзеня
Час: з 17.00
Месца: НЦСМ, пр-т Незалежнасці, 47, Мінск
Вось што вас чакае:
17:00-20:00 «Якім будзе ваш 2023?»
Хочаце даведацца, як пройдзе ваш 2023 або атрымаць параду ад карт? Не абмініце магчымасці зазірнуць у адмысловую зону, дзе псіхалагіня Надзея Бекішава дапаможа вам раскрыць пасланне метафарычных карт.
17:15-17:45 Экскурсія-квэст па выставе поп-арту
Вам прапануюць прагуляцца па выставе, крыху пазнаёміцца з поп-артам і самымі яркімі яго прадстаўнікамі, разгадваючы заданні квэста.
17:15-18:00 Майстар-клас па стварэнні поп-артаўскага калажу
Разам з арт-дызайнеркай Дарыяй Румянцавай пагрузіцеся ў гісторыю поп-арту: даведаейцеся, што ж асаблівага нясе ў сабе гэты накірунак, стварыце незвычайныя мастацкія калажы з каляровай паперы, кардону і часопісных выразак.
18:00-18:45 Трафарэтны майстар-клас з іконамі поп-арту
На майстар-класе з мастаком Русланам Сяргеевым вы створыце арыгінальныя прынты ў стылі поп-арт пры дапамозе трафарэтаў. А што гэта будуць за выявы — даведаецеся на майстар-класе! Эндзі Уорхал абзайздросціўся б!
18:15-19:00 «Алё, гэта штучны інтэлект?»
Адмысловы госць вечара — штучны інтэлект. Трохі раскажуць, што гэта за страшны звер такі, як ён уладкаваны. Вы створыце свае шэдэўры з яго дапамогай.
19:10-19:40 Каляды ў Эндзі
Уорхал мог бы толькі марыць аб такім: напрыканцы вечара завітаюць калядоўшчыкі з гурта «Барвы» разам з казай ды каляднымі песнямі!
Кошт квіткоў:
12 рублёў — дарослыя; 10 рублёў — студэнты дзённай формы навучання; 8 рублёў — пенсіянеры, навучэнцы школ, гімназій, ПТВ, ССНУ, шматдзетныя сем’і, інваліды III групы.
Квіткі можна набыць па спасылцы.
