Культпаход у НЦСМ у Мінску
15.04.2023
16:00 - 19:00
Нацыянальны цэнтр сучасных мастацтваў (вул. Някрасава, 3)
Бясплатнае
У суботу, 15 красавіка, у Міжнародны дзень культуры, Нацыянальны цэнтр сучасных мастацтваў запрашае правесці вечар у музеі — на імпрэзе «Культпаход у НЦСМ».
Дата: 15 красавіка
Час: з 16.00 да 19.00 (час мясцовы)
Месца: НЦСМ, вул. Някрасава, 3, Мінск
Культпаход пачнецца з open-talk з арт-куратаркай і фатографкай Дзінай Даніловіч.
Спадарыня Дзіна раскажа пра асаблівасці куратарскай дзейнасці на аснове асабістага досведу і адкажа на вашы пытаннечкі.
Яшчэ ў вас будзе магчымасць сустрэцца з куратарам і аўтарам ідэі выставы «Прывітанне, спадар Ван Гог!» Віктарам Саўчанкам на ягонай экскурсіі.
Калі вы жадаецце не толькі слухаць, для вас — майстар-клас ад мастака Руслана Сяргеева, на якім вы зможаце стварыць ўласны твор і развіць творчае мысленне.
Для прыхільнікаў нестандартных і новых тэатральных практык будзе інтэрактыўная лекцыя ад Таццяны Зрайкоўскай, заснавальніцы плэйбэк-тэатра «Свой дах».
Вы даведаецеся пра гісторыю і сучаснасць «плэйбэк-тэатра» і зможаце прыняць удзел у невялікім перформансе.
Культпаход працягнецца лекцыяй мастацтвазнаўца і арт-куратаркі Алесі Іназемцавай «Cherchez la ... ці як шмат у нас французскага?».
На гэтай лекцыі вы даведаецеся, як узаемадзейнічае беларуская культура з культурай Францыі і які след пакінула апошняя ў гісторыі нашай краіны, мастацтве, побыце і нават у фамільных традыцыях.
А напрыканцы вечара завітайце на творчую сустрэчу з дызайнеркай Дар’яй Румянцавай. Разам са спадарыняй Дар’яй вы разгледзіце прыклады праектаў са светавізуальнымі эфектамі, якія паўплывалі на фарміраванне сучаснага арт-дызайну.
Квіткі —
13 рублёў. Іх можна набыць па
спасылцы.
