Некамерцыйная арганізацыя «МАРА — першае аб’яднанне беларусаў Нідэрландаў», запрашае на святкаванне Купалля!
Дата: 30 чэрвеня
Час: вячэра — 17:00, канцэрт — 19:30
Месца: The Grey Space in the Middle, Paviljoensgracht 20-24, 2512 BP, Den Haag
Мерапрыемства прысвечана палітвязням у Беларусі. Іх фотаздымкі і аповеды праз дзеянне на сцэне вядуць да заключнага музычна-танцавальнага спектакля «Я ёсць». Канцэртная праграма побач з жамчужынамі сусветнай класікі знаёміць слухача з беларускай народнай і сучаснай музыкай, а таксама з традыцыйным інструментам цымбалы.
Арыгінальнае спалучэнне голасу, вібрафона і цымбалаў зачароўвае і стварае дзіўныя гукавыя спалучэнні.
Акрамя таго, перад канцэртам мы арганізуем Вячэру нацыянальнай беларускай кухні, дзе вы зможаце на хвіліначку вярнуцца ў Родны Кут, прынамсі гастранамічна.
