26 чэрвеня ў Гомелі святкуюць Купалле. А 16-й філіял Веткаўскага музея запрашае на вечарыну «Ты прыйдзі к нам, Купала».
Дата: 26 чэрвеня
Час: 16.00
Месца: філіял Веткаўскага музея, пл. Леніна, 4а, Гомель
Вас чакаюць купальскія спевы, карагоды, танцы і выраб абрадавай лялькі.
Хто прынясе з сабой палявыя кветкі, зможа сплесці сапраўдны купальскі вянок, які можна будзе пакінуць сабе альбо ж пусціць па рацэ, каб паваражыць «на суджанага».
Будзе і кіно пра магічны час сонцастаяння. Ды яшчэ прыемныя неспадзяваначкі.
Прапануюць таксама святкаваць Купалле смачна і сабраць стол у складчыну — каб кожны госць прынёс з сабой штосьці да традыцыйнага купальскага стала: верашчака, яешня, хлеб, бліны, кулага, варэнікі (калі што, у інтэрнэце мноства рэцэптаў). Бярыце з сабой любыя ласункі і смаколікі.
Кошт удзелу — 3 рублі.
