Філіял Веткаўскага музея ў Гомелі запрашае на чарговую куратарскую экскурсію «Лёс Бабіцкага леса» (Бабіцкая ткацкая традыцыя і яе семантыка).
Дата: 11 сакавіка
Час: 18.00
Месца: філіял Веткаўскага музея, пл. Леніна, 4а (палацава-паркавы ансамбль за саборам Пятра і Паўла), Гомель
Бабіцкая ткацкая традыцыя — этнавызначальная і семантычная з’ява народнай культуры Гомельшчыны. Цэльная, тэхналагічна абумоўленая традыцыя, якая «замком» тэхналогіі нібыта зберагла архаічныя рысы.
Як пазнаць сярод разнастайных тыпаў бабіцкае ткацтва? Па якіх канонах стваралася кампазіцыя? Адкуль узяліся ўзоры, якімі размаўляла гэта традыцыя? Якія архетыпы выкарыстоўвалі ткачы ў той час?
На гэтыя ды іншыя пытанні адкажа падчас куратарскай экскурсіі «галоўны семантык краіны» — Галіна Нячаева, намесніца дырэктара па навуковай рабоце Веткаўскага музея.
Кошт удзелу — 2 рублі.
