Куратарская гутарка з Антанінай Сцебур і Лізай Міхальчук у Берліне
12.05.2024
15:00 - 17:00
Galerie im Körnerpark (Schierker Str. 8)
па квітку ў галерэю
У нядзелю, 12 траўня, у Берліне адбудзецца сустрэча з куратаркамі Антанінай Сцебур і Лізай Міхальчук у межах выставы беларускіх мастакоў у выгнанні «Часам я трымаюся за паветра».
Дата: 12 траўня
Час: 15.00 (час мясцовы)
Месца: Galerie im Körnerpark, Schierker Str. 8, Берлін
Пад загалоўкам «Карусель запускаецца зноў» спадарыні разгледзяць эвалюцыю беларускага мастацтва і куратарскую практыку з пункту гледжання міграцыі, бежанства і дэкаланіяльных практык.
Дыскусія будзе прысвечана крытычным выбарам, якія стаяць сёння перад беларускімі мастакамі і куратарамі:
Ці варта паслухмяна інтэгравацца ў заходнееўрапейскія рамкі сучаснага мастацтва?
Ці могуць яны пагадзіцца з гэтай іерархічнай структурай улады, альбо ёсць структура і альтэрнатыўныя тактыкі, якія спрыяюць больш дыялагічным гарызантальным адносінам з сістэмай?
Нагадаем, выстава «Часам я трымаюся за паветра» шукае выражэння асабістай сітуацыі многіх мастакоў у эміграцыі, якая датычыцца не толькі беларусаў.
Назва выставы паходзіць ад верша паэткі Вольгі Гапеевай, якая цяпер таксама жыве ў эміграцыі ў Германіі.
Сустрэча пройдзе на ангельскай мове.
Уваход — па квітку на выставу.
Выстава, нагадаем, працуе да 29 траўня.
