У нядзелю, 24 лістапада, у CreateCulture Space адбудзецца квір-фестываль «За межамі» ў падтрымку ЛГБТК+ людзей Беларусі.
Дата: 24 лістапада
Час: з 12:00 да 20:00
Месца: CreateCulture Space, Karmelitų gatvė 5, Вільня
Арганізатары хочуць стварыць прастору для абмеркавання, падтрымкі і натхнення для ўсіх, хто цікавіцца правамі і свабодай ЛГБТК+ супольнасці ў Беларусі і свеце.
Вось праграма:
12:00 — Гісторыя ЛГБТК+ руху Беларусі: тады і цяпер
У якіх клубах Беларусі тусілі геі і лесбіянкі ў 2000-х?
Якія пакаленні ЛГБТК+ актывізму існуюць у Беларусі і чаму мы можам у іх навучыцца?
Што зараз адбываецца з квір-людзьмі ў Беларусі і як іх можна падтрымаць?
13:45 — Як з’явіўся гендар і як пра яго правільна гаварыць
Кароткі экскурс у гісторыю тэрміна «гендар» у сацыялогіі, карэктная лексіка і важныя нюансы, якія тычацца трансгендарнасці і гендарнай ідэнтычнасці.
15:00 — Які актывізм выбраць для паўсядзённага жыцця
Натхняльныя ідэі і практычныя парады пра тое, як можна падтрымліваць правы і роўнасць у побыце і грамадстве.
16:30 — Як квіры ў TikTok змяняюць свет
Абмяркуюць, як сацыяльныя сеткі сталі магутнай платформай для прасоўвання правоў чалавека і бачнасці ЛГБТК+ супольнасцяў.
Квір-стэндап ад Фем-Стэндап клуба імя Зоські Верас
Уваход — donation. Усе сродкі будуць накіраваныя на дапамогу ЛГБТК+ людзям у Беларусі. Рэгіструйцеся па спасылцы.
