У суботу, 26 кастрычніка, у Нацыянальным цэнтры сучасных мастацтваў адбудзецца лекцыя Вольгі Курбачовай «Этнічная міфалогія сёння: культурны рудымент VS сучасны наратыў у мастацтве і брэндынгу».
Дата і час: 26 кастрычніка ў 16.00
Месца: НЦСМ, пр-т Незалежнасці, 47, Мінск
Што ўяўляе сабой этнічная міфалогія сёння: своеасаблівы культурны рудымент ці сімвалічны наратыў, які актыўна выкарыстоўваецца ў мастацтве: кіно, літаратуры, рэкламе, відэагульнях, дызайне?
А можа, гэта інструмент брэндавання, дзякуючы якому канструюецца культурная ідэнтычнасць?
Лектарка паспрабуе адказаць на гэтыя і іншыя пытанні, даць вызначэнне таго, што ж уяўляе сабой сучасны этнаміф, якая яго роля і адметныя асаблівасці з пункту гледжання філасофскай рэфлексіі.
Госці разам з лектарам знойдуць і абмяркуюць рэальныя прыклады міфалагічных вобразаў і сімвалаў, якія сустракаюцца ў паўсядзённай практыцы і ў сферы мастацтва.
Вызначаць, ці уласціва для нас, якія жывуць у XXI стагоддзі, міфалагічнае мысленне і ў чым яно выяўляецца.
Таксама пагавораць пра тое, як этнаміфы ствараюцца, становяцца часткай грамадскай свядомасці і ці можна сёння самім стаць не толькі носьбітамі, але і аўтарамі міфалагем.
Вольга Курбачова — кандыдатка філасофскіх навук, дацэнтка кафедры філасофіі і метадалогіі навукі факультэта ФФСН БДУ.
Квіткі — 15 рублёў (у кошт квітка на лекцыю ўваходзіць прагляд экспазіцыі). Рэгіструйцеся па спасылцы.
