24 сакавіка Беларускі Дом ў Варшаве запрашае на лекцыю з цыклу «Няскораная Беларусь — вяртанне ў Еўропу», прысвечаную палітычнай і грамадскай гісторыі Беларусі.
Дата: 24 сакавіка
Час: 18.00 (час мясцовы)
Месца: Беларускі Дом, ul. Kryniczna 6, Варшава
Лектар — Вячаслаў Сіўчык, грамадскі і палітычны дзеяч, актывіст, лідар руху салідарнасці «Разам».
Падчас першай лекцыі з цыклу «Няскораная Беларусь — вяртанне ў Еўропу» Вячаслаў Сіўчык раскажа пра адраджэнне Беларусі навейшага часу. Слухачы даведаюцца аб тым, як ствараўся «Мартыралог Беларусі» і камітэт БНР, як праходзілі першыя Дні Волі, як выглядалі Чарнобыльскія шляхі і першыя палітычныя акцыі ў Беларусі ў гэтыя часы. Спадар Вячаслаў падзеліцца ўспамінамі аб перабудове і рэферэндуме Гарбачова, а таксама расскажа, як у 1990-м у Мінску адбыўся захоп тэлевежы.
Для ўдзелу неабходна зарэгістравацца па спасылцы.
