У сераду, 25 кастрычніка, у лекторыі «Фрэскі» у межах праекта «Культуралогія без межаў» адбудзецца лекцыя Ігара Іванова «Драўляныя сінагогі Беларусі».
Дата: 25 кастрычніка
Час: 18.30
Месца: вул. Кісялёва, 38 (1 паверх), Мінск
У сумным альманаху згубленых шэдэўраў, такім багатым на тамы для Усходняй Еўропы і Беларусі, ёсць адзін, асабліва змрочны выпуск.
Ён прысвечаны спадчыне яўрэяў на землях былой Рэчы Паспалітай, а менавіта — дзівосным драўляным сінагогам, якія з’явіліся ў XVII-XVIII стст. Іх аблічча яшчэ 100 гадоў таму было звыклым погляду, а зараз гэта толькі аб’ект захопленых прыдыханняў над рэдкімі фота.
Вас чакае:
экскурс у гістарыяграфію вывучэння драўляных сінагог першай паловы ХХ ст.: асноўныя работы замежных і айчынных даследчыкаў;
разгляд падыходаў да класіфікацыі драўляных сінагог, асноўная тыпалогія, архітэктурныя асаблівасці;
мноства рэдкіх цікавых фатаграфій.
Таксама прапануюць разам вызначыць рысы сінагагальнай архітэктуры, якія захаваліся ў сучасных беларускіх драўляных пабудовах самага рознага прызначэння.
Лектар — Ігар Іваноў, музейшчык, супрацоўнік беларускага скансэна (музей Народнай архетыктуры i побыту ў Азярцы).
Кошт — 10 рублёў. Месцаў абмежавана, таму запісвайцеся па спасылцы.
