У сераду, 17 траўня, праект «Культуралогія без межаў» запрашае на лекцыю «Нематэрыяльная культурная спадчына: тэарэтычныя і практычныя аспекты канцэпцыі і яе рэалізацыі ў Беларусі».
Дата: 17 траўня
Час: 19.00
Месца: галерэя Беларускага саюза дызайнераў, вул. Брылеўская 14, Мінск
Сёння наша краіна мае вялікі спіс адметных праяваў нематэрыяльнай культурнай спадчыны. Амаль што 200 (!) адзінак з’яўляюцца часткай нашай скарбонкі гістарычных каштоўнасцяў.
А ці ведаем мы, дзе шукаць усё гэтае багацце? І што жа асаблівага ў гэтых месцах?
Для адказаў на тыя пытаннечкі запрасілі вядучую спецыялістку па нематэрыяльнай культурнай спадчыне нашай краіны, адміністратарку сайта «Жывая Спадчына» — Алену Каліноўскую.
Разам з Аленай Тадэвушаўнай абмяркуюць:
Як падтрымаць жыццё даўніх культурных практык у сучаснасці і ці заўсёды гэта трэба рабіць?
Хто і як становіцца пераемнікам народных традыцый?
І галоўнае, як патрапіць у кола тых, каму адкрываюцца таямніцы народнай культуры?
Уваход вольны.
