Ліда святкуе народзіны: фэст LIDBEER, рыцарскі турнір і танцы
02.09.2023 - 03.09.2023
10:00 - 05:00
------------
Бясплатнае
У суботу, 2 верасня, у Лідзе — процьма івэнтаў, а найгалоўнейшы — 700-годдзе горада.
Па-першае, немагчыма будзе абмінуць фэст LIDBEER, бо ён будзе паўсюль. На трох сцэнах — каля палаца культуры, Лідскага замка ды дома гандлю — будзе адпаведна поп-рок, электра і фольк.
А яшчэ будуць фудкорты і фэст феерверкаў.
Уваход вольны, і ёсць магчымасць набыць квіткі ў VIP-зону (70 рублёў) і замовіць месца на кемпінгу (40 рублёў).
Дата: 2 верасня
Час: з 11.00
Месца: каля палаца культуры, Лідскага замка, дома гандлю, Ліда
Па-другое, будзе Дзень сярэднявечнай культуры з рыцарскім турнірам «Лідскія ваяры».
Вось якая праграма:
10.00-22.00 Праца тэматычных пляцовак: зброевая майстэрня; сярэднявечная кузня і кухня; рыцарскі лагер; гульні і забавы
11.00; 17.00 Майстар-класы па сярэднявечных танцах
15.00-15.30 Рэканструкцыя «Княжае паляванне»
18.00-20.00 Конны турнір «Лідскія ваяры» 20.30-21.30 Выступ гурта «Неўрыда»
21.45 Выступ тэатра агню
Квіткі: дарослы — 20 рублёў, студэнцкі — 15 рублёў, дзіцячы — 10 рублёў.
Дата: 2 верасня
Час: з 10.00 да 22.00
Месца: Лідскі замак, Ліда
А апоўначы пачнецца традыцыйная дыскатэка ў замку «ZAMOK DANCE». Толькі для дарослых.
Уваход — 10 рублёў.
Дата: 2 верасня
Час: з 00.00 да 05.00
Месца: Лідскі замак, Ліда
