Літаратурнае падарожжа з Мінска на Ушаччыну

28 чэрвеня, у нядзелю, літаратурны музей Петруся Броўкі кліча ў традыцыйнае літаратурнае падарожжа «1.1.1» на Ушаччыну.

Вандроўка прымеркавана да дня нараджэння Петруся Броўкі і прысвечана творцам-землякам: Петрусю Броўку, Васілю Быкаву, Рыгору Барадуліну.

Вас чакаюць бацькоўскія хаты: Рыгора Барадуліна – ва Ушачах, Васіля Быкава – у Бычках, Петруся Броўкі – у Пуцілкавічах.

ПРАГРАМА:

• 6:45 Збор удзельнікаў на паркоўцы паміж Нацыянальнай бібліятэкай Беларусі і ЖК «Маяк Мінска» (ст. метро «Усход»).
• Наведванне «Крыніцы паэтаў», дзе па дарозе на Ушаччыну заўсёды спыняліся Пятрусь Броўка, Рыгор Барадулін і Васіль Быкаў
• Наведванне дома Рыгора Барадуліна
• Наведванне г.п. Ушачы
• Ускладанне кветак да помнікаў Васіля Быкава і Рыгора Барадуліна
• Ускладанне кветак да магілы Рыгора Барадуліна
• Наведванне Сядзібы-музея Васіля Быкава
• Наведванне Хаты-музея Петруся Броўкі. Ускладанне кветак да помніка маці Петруся Броўкі Алены Сцяпанаўны
• 22:00 Вяртанне ў Мінск

• Добры настрой
• Кубак, каб піць з крыніцы
• Талерку з лыжкай, каб паесці суп па-ўшацку
• Кветкі (з крамы, з поля, з лецішча) для ўскладання на магіле Рыгора Барадуліна і ля помніка Алены Броўка
• Вершы Петруся Броўкі, Рыгора Барадуліна, урыўкі з прозы Васіля Быкава, якія вам даспадобы
• Вада, бутэрброды (калі забыліся –можна набыць у мясцовай кулінарыі танную выпечку, а ваду набраць з крыніцы)
• Рэпеленты (камары ў Пуцілкавічах вельмі любяць свежаніну)
• Таксама маецца магчымасць замовіць сабе ўшацкага хлеба.