У нядзелю, 23 красавіка, беларускія комікі з суполкі «Пан Стэндап» ладзяць «Пазакласнае чытанне» і прапануюць разабраць яшчэ больш класікі беларускай літаратуры, бо мінулым разам вам дужа спадабаўся. Будзе адразу два стэндапы!
Дата: 23 красавіка
Час: 16.00 і 19.00 (час мясцовы)
Месца: Boho Club 22, Żurawia 22, Варшава
Разбіраць будуць як тое павінна быць у школе, але ніколі не было. Ніякай дамашкі: усе кнігі прычыталі за вас комікі і прапануюць караценечкі пераказ. На беларускай мове, вядома. І са здымкамі на ютубчык. ⠀
У 16.00 Дзіма Нарышкін, Дзіма Саўян, Саша Калінкін і Ягор Янісімаў разбяруць «Запіскі Самсона Самасуя» Андрэя Мрыя.
У 19.00 да дошкі пойдуць Макс Канавал, Паша Залуцкі, Міхась Ільін ды Андрусь Райн. Адказваць будуць «Мову» Віктара Марціновіча.
