Лекцыя Гражыны Паўлоўскай пра пісьменніка Жаумэ Кабрэ
Пачатак: 12.05 (19:00)Канец: 12.05 (21:00)
прастора Space
Антыкварная лаўка бацькі ў Барселоне поўная скарбаў, але толькі скрыпка, створаная рукамі вядомага майстра Старыоні, прыцягвае маленькага Адрыа. Ён падмяняе каштоўны інструмент сваім, каб паказаць сябру. І гэта становіцца пачаткам процьмы трагічных падзеяў, якія цягнуцца праз стагоддзі. Нянавісць ды інтрыгі, каханне і здрада – усё сплятаецца і ўтварае мудрагелістую вязь.
Аповед вядзецца ад асобы Адрыа-генія, чый бліскучы розум пакутуе на Альцгеймер. Адсюль незвычайная манера расповеду – пераход ад першай асобы да трэцяй, плаўнае блуканне паміж тэмамі ды стагоддзямі.
Кніга здольная захапіць і вырваць са звыклай рэальнасці. Але нават калі гэтага не адбылося, прыходзьце паслухаць, як пра цудоўны і складаны твор распавядае кандыдат філалагічных навук, дацэнт і колішняя выкладчыца журфака БДУ Гражына Паўлоўская.
Лекцыя адбудзецца 12 мая ў 19:00 у прасторы Space (вул. Кастрычніцкая, 16А).
Квіток каштуе 7 рублёў, набыць яго можна тут: https://bezkassira.by/lekcy_knzhnaga_saitu_booksterby-2482/
Пасля лекцыі запрашаем да абмеркавання.
Гэта чацвёртая з сямі лекцыяў, якія ладзіць кніжны сайт Bookster.by. Падрабязней аб праекце чытайце ў суполцы https://www.facebook.com/booksterby/
Інфо па тэлефоне +375291060454
