Лекцыя Уладзіміра Капцава пра “Лаліту” Набокава
Пачатак: 13.11 (19:00)Канец: 13.11 (22:00)
Space
Кніга, сюжэт якой ведае ўвесь свет. Пра самы вядомы і правакацыйны англамоўны раман Набокава распавядзе кандыдат філалагічных навук, дацэнт, выкладчык рускай літаратуры ў Інстытуце журналістыкі БДУ Уладзімір Капцаў:
“Уладзімір Набокаў не пераследаваў мэты напісаць скандальны раман. Як вялікі пісьменнік ён прадбачыў крызіс сучаснай цывілізацыі і прапаноўвае нам разбуральны постмадэрнісцкі вобраз культуры ў дзеянні. Таму “Лаліта” – гэта раман-перасцярога.
Уладзімір Набокаў стварыў самы пазнавальны брэнд сусветнай літаратуры, спарадзіў, сам таго не жадаючы, “эфект лалітаманіі”. Таму ў масавай свядомасці раман, апынуўся закладнікам таннай папулярнасці. Сам аўтар так пісаў пра герояў свайго твора: «…американская школьница так же нормальна и банальна, хоть и в своем роде, как и ненормален и банален несостоявшийся поэт Гумберт. Вот вам самый важный аспект книги, который был погребен искусственно созданной популярностью…»
Уладзімір Набокаў стварыў раман, насычаны архетыпамі і культурнымі кодамі, дыялогам “высокай” і “масавай” культураў. Таму “Лаліта” – гэта эстэтычны і культуралагічны феномен XX стагоддзя”.
Лекцыя адбудзецца 13 лістапада ў 19:00 у прасторы Space – вул. Кастрычніцкая, 16А (уваход праз двор каля дому Кастрычніцкая, 10Б, міма студэнцкіх інтэрнатаў).
Квіток каштуе 6 рублёў, набыць яго можна тут: http://bezkassira.by/admetnyj_ltaraturnyj_lekcy_20-3146/
Пасля лекцыі запрашаем да абмеркавання.
Гэта чацвёртая з васьмі лекцыяў, якія ладзіць кніжны сайт Bookster пры падтрымцы кампаніі МТС. Кнігу Уладзіміра Набокава “Лаліта”, як і шмат якія іншыя, можна знайсці ў Мабільнай бібліятэцы МТС —http://bookmate.com/mts_by.
За навінамі праекта сачыце ў суполцы: https://www.facebook.com/booksterby/
Інфо па тэлефоне +375291060454
