Супрацоўніца Акадэміі навук Алена Ляшкевіч распавядзе пра велікодныя і перадвелікодныя звычаі беларусаў 3 красавіка на Арт Сядзібе (пр-т. Машэрава, 18). Пачатак а 19.00. Уваход вольны.
- Як у вясковых і гарадскіх святкаваннях Вялікадня дахрысціянскія элементы спалучаюцца з хрысціянскімі?
- Чаму мы да сённяшняга дня свецім вербачкі і фарбуем яйкі? Ці заўсёды афіцыйная царква адабрала гэтыя практыкі?
- Як звычай велікоднага абыходу двароў звязаны з усталяваннем беларуска-польскай мяжы?
На лекцыі абмяркуем гэтыя ды іншыя пытанні (можна высылаць даследчыцы асабістымі паведамленнямі). Будзе шмат відэа з этнаграфічных экспедыцый і жывыя спевы ад гурта “Нямора”.
