У суботу, 18 траўня, філіял Веткаўскага музея далучаецца да Ночы музеяў.
Дата: 18 траўня
Час: з 16.00 да 22.30
Месца: філіял Веткаўскага музея, пл. Леніна, 4а, Гомель
Вось якая будзе праграма: на сцэнічнай пляцоўцы (прастора каля будынка музея) можна будзе:
18:00-18:15 — пабачыць абрад «Пахаванне стралы» з удзелам цудоўнага ансамбля «Стаўбунскія вячоркі»
18:15-18:45 — паглядзець-паслухаць выступы фальклорных ансамбляў з абрадавымі спевамі (выступяць калектывы школы № 30 «Святы Пакроў» і «Найгрыш»)
18:45-19:00 — паўдзельнічаць у абрадзе «Пахаванне стралы» (працягнуць рэканструкцыю абраду)
19:10-21:00 — стаць госцем на традыцыйным беларускім вяселлі, на якім абавязкова будуць танцы пад гармонік
21:00-22:00 — нацешыцца мелодыкай народных песень падчас выступу ансамбля «Збіцень»
22:00-22:30 — завяршыць гэты цудоўны вечар сумесным праглядам фільма «Кола часу» — кіно пра ўвесь абрадавы цыкл Палесся
у выставачных залах (унутры музея):
16:30-18:00 — навучыцца рабіць самыя прыгожыя традыцыйныя вясельныя вяночкі на майстар-класе
16:00-22:45 — наведаць выставы «Варвара, Мікола і Зосіма. Архетыпы бабіцкай іконы», «Брама», «Пляценне. Тэхналогія як магія», «Арнаменты Падняпроўя: сон і абуджэнне»
пляцоўка рамеснікаў (прастора каля будынка музея):
16:00-20:00 — майстар-класы і выстава-продаж рэчаў ад рамеснікаў: пляценне рознай прыгажосці з лазы, бісеру, саломы, паперы, выраб абярэжных ляляк-мотанак, лепка плеценых узораў з гліны
Дзіцячая пляцоўка (прастора каля будынка музея):
16:00-20:00 — інтэрактыўныя майстар-класы і забавы для дзяцей
Уваход вольны, вітаюцца данаты любога памеру.
