Акустычны канцэрт прагрэсіўнага арт-рок калектыву «The Unlimited Trio» з прысмакам джазу, фольку і класікі адбудзецца ў Магілёве 24 кастрычніка. У гарадской ратушы слухачы пражывуць разам з калектывам ўсю шкалу эмоцый ад радасці і бясхмарнай весялосці да адчаю і дэпрэсіі. Магутны грув і пранікнёныя запамінальныя мелодыі – вось тое, чым музыкі «чапляюць» публіку за жывое.
Пачатак канцэрту – у 18:00. Квіткі каштуюць 50 тыс. рублёў.
Праект «The Unlimited Trio» заснавалі тры маладых музыканта з Беларусі. Зараз Аляксандр Ясінскі (баян), Мікіта Крэйн (гітара) і Ілля Чарнаклінаў (альт) актыўна гастралююць у Беларусі, Польшчы, Германіі, Венгрыі, Чэхіі, Аўстрыі, Славакіі, Швецыі, Паўднёвай Карэі, Венгрыі і Францыі.
Усе ўдзельнікі калектыву лаўрэаты міжнародных конкурсаў на сваіх інструментах.
На дадзены момант «The Unlimited Trio» рыхтуе да запісу свой другі студыйны альбом, рэліз якога чакаецца восенню 2015 года.
