У сераду, 17 ліпеня, гісторык Алена Воднева ладзіць у лекторыі «Фрэскі» майстар-клас па даследаванні сямейнай гісторыі.
Дата: 17 ліпеня
Час: 18.30
Месца: вул. Кісялёва, 38 (1 паверх), Мінск
Майстар-клас будзе ўключаць дзве часткі.
Падчас тэарэтычнай часткі лектарка раскрые наступныя тэмы:
Сямейная гісторыя: 4 ключы да разумення сябе і сваёй сям’і
Фарматы захавання сямейнай гісторыі
Сямейны архіў. Галоўныя прынцыпы захоўвання
Зносіны з роднымі пра гісторыю роду
Практычная частка будзе складацца з некалькіх практычных заданняў, дзякуючы якім вы зробіце першы запіс у сваёй гісторыі сям’і.
Паміж тэарэтычнай і практычнай часткамі майстар-класа будзе чай-паўза і свабодныя зносіны.
Вядоўца — Алена Воднева, гісторык, магістарка гістарычных навук, лектарка і стваральніца аўтарскага курса па даследаванні сямейнай гісторыі.
Кошт — 20 рублёў.
Месцаў абмежавана, таму запісвайцеся па спасылцы.
