Гэтымі выходнымі, 22 і 23 красавіка, мастачка Руфіна Базлова, славутая сваімі вышыванкамі на злабадзённыя тэмы запрашае беларусаў Вільні на майстар-клас па вышыўцы «Framed in Belarus».
Дата: 22 і 23 красавіка
Час: 13.00 (час мясцовы)
Месца: Нацыянальная мастацкая галерэя, Konstitucijos av. 22, Вільня
Мэта акцыі #FramedinBelarus — распавесці пра кожнага несправядліва асуджанага грамадзяніна Беларусі і стварыць яго гісторыі ў традыцыйнай беларускай тэхніцы вышыўкі чырвонай ніткай на белым фоне.
Удзельнічаючы ў варкшопе, вы зможаце далучыцца да праекта і стаць часткай мастацкай салідарнасці.
Удзельнікаў навучаць першым крокам у працы са схемай і вышыўкай. Умець шыць і вышываць — не абавязкова!
Майстэрня разлічаная на дарослых і моладзь ад 16 гадоў і будзе на англійскай мове. Пры неабходнасці будуць каментары на літоўскай, беларускай ці рускай.
Працягласць — 3 гадзіны.
Падрабязней пра праект можна пачытаць на сайце framedinbelarus.net.
Удзел бясплатны, трэба толькі зарэгістравацца па спасылцы.
