20 красавіка Нацыянальная бібліятэка ладзіць майстар-клас з народнай майстрыняй Беларусі Вольгай Хачковай па роспісе яек воскам у тэхніцы «пісанка».
Дата: 20 красавіка
Час: 18.00
Месца: Нацыянальная бібліятэка Беларусі (пам. 104), пр-т Незалежнасці, 116, Мінск
Яшчэ ў пачатку XX стагоддзя «пісанкі» — яйкі, размаляваныя ад рукі сюжэтнымі або арнаментальнымі ўзорамі, — былі вельмі папулярныя. «Пісалі» яйкі спецыяльнымі каляровымі фарбамі і спецыяльнымі маленькімі кручкамі з тонкага дроту, якія мачалі ў растоплены воск. Стварыце і сваё асаблівае велікоднае яйка.
Наведванне майстар-класа ўваходзіць у кошт наведвання выставы народных рамёстваў «Жывыя крыніцы».
