10 лютага клуб «Кінаканапа» запрашае на прагляд чароўнага анімацыйнага фільма Хаяо Міядзакі «Вандроўны замак Хаўла» у беларускім дубляжы.
Дата: 10 лютага
Час: 19.00 (час мясцовы)
Месца: 500 м от плошчы Свабоды (адрас дашлюць зарэгістраваным), Тбілісі
Адной жудаснай раніцай 18-гадовая Сафі прачынаецца ў целе пажылой кабеты. Спалохаўшыся ўласнага адлюстравання ў люстэрку, яна вырашае бегчы з горада як мага далей. На шляху счараваная дзяўчына сустракае дзіўную хату на ножках, якую насяляюць незвычайныя істоты. Каб пазбавіцца чараў злой вядзьмаркі, Сафі давядзецца дапамагчы адной з іх.
Японскі рэжысер Хаяо Міядзакі стварыў бясконца добрую і прыгожую казку, якую з захапленнем глядзяць людзі ўсіх узростаў.
То прыходзьце паглядзець тую казку па-беларуску і бярыце з сабой дзяцей — вас чакае ўтульная атмасфера сяброўства і папкорн!
Уваход вольны! Толькі зарэгіструйцеся па спасылцы!
