У панядзелак, 6 траўня, у Тбілісі — кінапрагляд па-беларуску.
Дата: 6 траўня
Час: 19.00 (час мясцовы)
Месца: прастора «Кропка» (адрас нагадаюць па рэгістрацыі), Тбілісі
Глядзяць неўміручае анімэ Хаяо Міядзакі «Скрадзеныя прывідамі» у беларускай агучцы.
Гэта фільм пра моц звычайнай незвычайнай дзяўчынкі, пра прыроду, каштоўнасці, шчырасць і любоў. У анімацыі адмыслова няма ні цалкам станоўчых, ні цалкам адмоўных герояў.
Стужка пранікнёная дабром і надзеяй, тым святлом, якога час ад часу не стае ў жыцці.
Перад паказам вас чакае невялічкі расповед пра анімацыю, крыху кантэксту і паглыблення ў сусвет Хаяо Міядзакі.
А пасля прагляду заставайцеся абмеркаваць пачуцці і ўражанні.
Уваход вольны. Рэгіструйцеся праз апытанку.
