Сябры, сёння мы страцілі найлепшага беларускага паэта Рыгора Барадуліна.
У панядзелак, 3 сакавіка, заняткі “Мовы нановы” будуць цалкам прысвечаны дзядзьку Рыгору. Будзе гучаць ягоны голас, ён будзе з намі на фота і відэа.
Алесь Камоцкі прыгадае доўгія гады свайго знаёмства з Барадуліным і выканае песні на вершы паэта — якія гэтак падабаліся самому аўтару.
Так сталася, што літаральна ўчора ўвечары, калі я (Глеб Лабадзенка) бачыўся з дзядзькам Рыгорам апошні раз, ён вельмі доўга распытваў пра нашыя з вамі курсы і цешыўся, што столькі людзей імкнуцца да мовы.
Таму мы і вырашылі не адмяняць заняткі з гэтай страшэннай нагоды, а сабрацца і прыгадаць гэтага Вялікага Беларуса.
