Цытуючы лозунг Нацыянальнага музея ў Кабуле «Нацыя жыве, пакуль жыве культура», Нацыянальны мастацкі музей заклікае наведвальнікаў музеяў рабіць аўтапартрэты і выкладваць іх у інтэрнэт з хэштэгам # MuseumSelfie2018.
Мэта мерапрыемства – зрабіць наведванне музеяў больш папулярным і відавочным. Хэштэг # MuseumSelfie2018 #artmuseumby
Калі некалькі гадоў таму фота і відэаздымка ў музеях наогул былі пад забаронай, то цяпер без успышкі можна здымаць практычна ўсюды. Дырэктары многіх музеяў свету лічаць, што гэта спрыяе прасоўванню мастацтва і дапамагае данесці інфармацыю да людзей, якія наогул раней маглі нічога не чуць пра выставы, што адбываліся ў музеях.
Слова selfie (ад англ. Self – сам) упершыню з’явілася ў 2002 годзе на аўстралійскім форуме. У апошні час сэлфі не губляе папулярнасці, нават Папа Рымскі Францыск выкладвае сэлфі з наведвальнікамі Ватыкана. У 2013 годзе selfie было прызнана Оксфардскім слоўнікам англійскай мовы словам года. У 2014 годзе Міжнародны музейны праект Culture Themes прапанаваў інтэрнэт-карыстальнікам зрабіць своеасаблівы флэшмоб, выклаўшы ў сацыяльныя сеткі свае фотаздымкі на фоне музейных экспанатаў. У 2018 годзе сэлфі – гэта новы асветніцкі фармат, які прыцягвае ў музей новую аўдыторыю.
Музеі павінны быць адкрытымі для ўсіх і для кожнага і ствараць камфортнае асяроддзе, дзе будзе цікава і тым, хто першы раз прыйшоў у музей, і тым, хто думае, што яны добра знаёмы з творчасцю таго ці іншага мастака.
План:
1) Атрымаць асалоду ад выяўленчага мастацтва
2) Ацаніць інтэрактыўныя фотазоны
3) Прыняць удзел у квэсце па экспазіцыі
4) Наведаць часовыя выставы Мастацкага музея
5) Акунуцца ў чароўную прыгажосць і меладычнасць джаза
Кошт уваходнага білета 6 рублёў
Умовы ўдзелу – усе экспанаты павінны застацца некранутымі і цэлымі!
17.01.2018
13:00–21:00
