Чаму неканцэрт? Ну па-першае, усе ведаюць, што зараз каб зладзіць канцэрт патрэбна прайсці 10 колаў паперкавага пекла. А калі гэта неканцэрт? Па-другое, гэта і сапраўды не будзе канцэрт, на якіх нас звыкліся бачыць. Сустрэча сяброў? Так. Нефармальныя пасядзелкі? Так. Легкае вар’яцтва? Так. Іншы погляд на творчасць? Так. Вантробнік? Ды што заўгодна, толькі не канцэрт! Не будзе шаленых танцаў, як звычайна на нашых імпрэзах, скачкоў у залу і разкаўбасу. Гэта будзе эксперыментальны выступ як для нас, так і для нашых слухачоў. Таму вельмі запрашаем усіх, тым больш што ўпершыню “Хуткія” жыўцом прагучаць менавіта там.
Больш музыкі гурта, а таксама дэбютны альбом можна спампаваць на афіцыйным сайце – www.martin-s.org .
