Праваабарончы цэнтр «Вясна» запусціў серыю гістарычных відэа «Прававыя летапісы». Гэта праект, дзе ў простай форме і змястоўна распавядаюць, як з’яўлялася, змянялася і развівалася права ў гісторыі Беларусі.
Статуты ВКЛ, паўстанне 1863, савецкія часы, феномен дысідэнства і 1990 гады... Як усе гэтыя падзеі звязаныя з правамі чалавека?
Адказ на гэтае пытанне шукайце ў новай серыі гістарычных відэа «Прававыя летапісы». Вядучы — Юрась, гісторык і гід па Варшаве — адзначае:
«Гэта можна назваць відэа-лекцыямі, дзе ў простай форме і змястоўна перадаюцца асноўныя гістарычныя перыяды ў Беларусі, на фоне якіх паказана, як з’яўлялася, змянялася і развівалася права ў гісторыі Беларусі.
Для людзей, якія далёкія ад гісторыі, ці штосьці ведаюць, але хочуць штосьці цікавае ўспомніць — то [гэтыя відэа] будуць прыдатным матэрыялам».
Першае відэа прысвечана Статутам ВКЛ. У ім гледачы адшукаюць адказы на пытанні:
Ці было Вялікае Княства Літоўскае прававой дзяржавай?
Ці з’яўляецца статут ВКЛ канстытуцыяй?
Ці ўсе былі ў тыя часы роўныя перад законам?
