Магілёўскі гурт Nizkiz выступіць з вялікім сольным канцэртам у родным горадзе 15 лістапада. Выступ пройдзе ў клубе “Куба”, пачатак у 18:00.
Аснову новай канцэртнай праграмы складаюць песні з альбома “Лiрыка”, які выйшаў вясной гэтага года , акрамя таго будзе прадстаўлены новы сінгл.
Апошні альбом гурта Nizkiz “Лiрыка” быў прызнаны лепшым беларускім альбомам першага паўгоддзя 2015 ў рэйтынгу партала Experty.by. У актыве гурта выступу на міжнародных фестывалях, уключаючы “Соседний мир” (Украіна), “Воздух” (Расія), “Басовішча” (Польшча), “Дружба” (Беларусь), Moscow Music Week (Расія).
