Ноч музеяў: этнаэкамарафон «Жывая вада» ў Гомелі
21.05.2022
18:00 - 23:00
філіял Веткаўскага музея (пл. Леніна, 4а)
Бясплатнае
Філіял Веткаўскага музея ў Гомелі сустракае ноч музеяў этнаэкамарафонам «Жывая вада» 21 траўня.
Дата: 21 траўня
Час: з 18.00
Месца: філіял Веткаўскага музея, пл. Леніна, 4а, Гомель
З 18:00 да глыбокага вечара можна наведаць чатыры выставы з суправаджэннем куратараў і лектараў:
«Разьбяр. Ад ідэі да ўвасаблення»;
«Жывая вада. Культ крыніц у традыцыйнай культуры»;
«Беспапоўцы. Этна-, ІканаГРАФІЯ»;
«Лёс бабіцкага лесу».
Для прыхільнікаў традыцыйнага ткацтва будзе дзейнічаць зала «Жывое рамяство» з майстар-класамі па ткацтву і магчымасцю далучыцца да таямнічай ткацкай справы.
Канцэртная пляцоўка пазнаёміць наведвальнікаў з традыцыйным абрадавым спевам Гомельскай зямлі: фальклорныя калектывы Ельскага, Кармянскага, Чачэрскага, Гомельскага і Веткаўскага раёнаў падзеляцца сваімі велічнымі спевамі.
А моладзевы калектыў Гомельскага каледжа мастацтваў імя Н. Сакалоўскага падтрымае архаічную традыцыю і загучыць па новаму, а таксама паспрабуе навучыць майстэрству валодання традыцыйным голасам усіх жадаючых.
Дзіцячая пляцоўка будзе балаваць казкамі, байкамі, майстар-класамі і светам райскіх колераў традыцыйнай вышыўкі, выцінанкі і маляванкі.
Сакрэтамі свайго майстэрства падчас майстар-класаў падзеляцца разьбяры, ганчары, вышывальніцы, вязальніцы і іншыя «ўмелыя ручкі».
Разабрацца ў нюансах сучаснай экалогіі воднай прасторы дапаможа арганізацыя АСДЭМА.
Мастком паміж архаічнай традыцыяй і сучаснай моладдзю стануць выступ гомельскага гурта «БіФолк» і вясёлыя рытмы этна-дыскатэкі «Водна дбайна».
Уваход вольны (вітаюцца данаты).
