НОЧ МУЗЕЯЎ У МІНСКУ: НЭП у Музеі Броўкі
20.05.2023
18:00 - 23:00
музей Петруся Броўкі (вул. К.Маркса, 30)
5 рублёў
У музеі Петруся Броўкі — праграма «Рытмы».
Дата: 20 траўня
Час: з 18.00 да 23.00
Месца: музей Петруся Броўкі, вул. К.Маркса, 30, Мінск
1920-я... Эпоха НЭПа, эпоха беларусізацыі, эпоха першых літаратурных арганізацый, росквіту паэзіі і агульнага культурнага ўздыму. Час, які прывёў не толькі Беларусь, але і ўвесь свет да эстэтыкі эклектызму: мадэрна і традыцыі, дэкадансу і росквіту, раскошы і беднасці, містыкі і навукі, мар і расчараванняў, бурапеннасці і стрыманасці, стылю і простасці.
Апранайцеся адпаведна! Дрэс-код — дваццатыя! (пажадана)
ПРАГРАМА:
18:00 Лекцыя Віктара Жыбуля «ТАВІЗ: па слядах легендарнага літаб’яднання»
19:00 Лекцыя Аляксандра Гужалоўскага «Трансфармацыя сямейна-шлюбных адносін у БССР у 1920-я гады»
20:00 — Майстар-клас па факстроце ад танцавальна-спартыўнага клуба «Факстрот».
22:00 «Люблю...» — тэатралізаваная чытка вершаў Маякоўскага
Яшчэ абяцаюць майстар-клас па стварэнні бытавога плакату «Рэклам-каструктар»
На майстар-класе вы зможаце стварыць свой плакат на бытавую тэму, пабачыць і паспрабаваць розныя тэхнікі яго выканання: калаж, лінагравюра, фотадрук. Таксама пачуць пра з’яўленне, развіццё і культурны ўплыў плакатнага мастацтва, пра тое, якім чынам Маякоўскі паўплываў на з’яўленне савецкай рэкламы, пры чым тут Малевіч да асобнага шляху беларускага плаката, як з дапамогай лінолеуму друкаваць і што агульнага ў сучасных коміксаў і плакатаў 1910–1920-х гадоў.
Будзе і варажба на картах Таро, і настолка «Дэлегацкі з’езд». А таксама музыка і кіно эпохі, перформансы, разыгранка «Квітка ўдачы» і многае іншае!
Квіток — 5 рублёў.
