ДЗЕ Я БЫЎ АПОШНІЯ ПЯТНАЦЦАЦЬ ГАДОЎ / Я КРЫЧАЎ Паэт Дзмітрый Строцаў ва Уроцлаве

5 чэрвеня ва Уроцлаве адбудзецца творчая сустрэча з паэтам Дзмітрыем Строцавым і трыма перакладчыкамі яго паэзіі — Наталляй Русецкай (Польшча), Наталляй Бельчанка (Украіна) і Андрэем Хадановічам (Беларусь).

---

Дата: 5 чэрвеня

Час: 16.00 (час мясцовы)

Месца: кнігарня «Tajne Komplety», Przejście Garncarskie 2, Уроцлаў

Спадар Дзмітрый пачытае творы, напісаныя ў перыяд з 2008 па 2022 гг. і прысвечаныя ваеннай агрэсіі Расійскай Федэрацыі ў адносінах да суседніх з ёй краін.

Спадару Дзмітрыю важна сведчыць, што напад Расійскай Федэрацыі на Грузію ў 2008 г., акупацыя Расіяй украінскага Крыма і захоп усходніх раёнаў Украіны ў 2014-м, жорсткае задушэнне пратэстаў і знішчэнне грамадзянскай супольнасці ў Беларусі ў 2020 г. і маштабнае ваеннае ўварванне ва Украіну ў 2022 -м з’яўляюцца звёнамі аднаго ланцуга, этапамі рэалізацыі адзінага геапалітычнага праекту Расійскай Федэрацыі па «збіранні земляў» і аднаўленні Імперыі ў межах Савецкага Саюза.

Будзе чытанне тэкстаў адразу на чатырох мовах — на беларускай, украінскай, рускай і польскай.

Уваход вольны. Прыходзьце!