У сераду, 7 снежня, у Кінгстанскім універсітэце адбудзецца прэм’ера пастаноўкі «Людзі прачнуліся» пра беларусаў і беларусак, чыё жыццё назаўсёды змянілася пасля прэзідэнцкіх выбараў у 2020 годзе.
Дата: 7 снежня
Час: 13.30 (час мясцовы)
Месца: Reg Bailey Building, RB0006, Penhryn Road, Kingston University, Лондан
Спектакль здзейснены ў межах праекта тэатральнай кампаніі ice&fire «Акцёры за правы чалавека». Ён створаны на аснове інтэрв’ю і сведчанняў (у тым ліку былых палітвязняў) у жанры тэатралізаванага чытання з удзелам чатырох беларускіх акцёраў.
Па спектакле, які доўжыцца 45 хвілін, адбудзецца сустрэча з аўтарамі і дыскусія пра сітуацыю з правамі чалавека ў Беларусі.
Уваход вольны!
