Перформанс ад беларускага гурта EG у Рысане (Чарнагорыя)
10.06.2022
19:00 - 21:00
Gallery 11.11 (Gabela street)
Бясплатнае
10 чэрвеня мультымедыйны гурт EG (Экзарцыстычны Gesamtkunstwerk) родам з Беларусі ладзіць у Рысане выставу сваіх відэапрац і перформансы.
Дата: 10 чэрвеня
Час: 19.00 (час мясцовы)
Месца: Gallery 11.11, Gabela street, Рысан
«Экзарцыстычны Gesamtkunstwerk» створаны ў Беларусі ў 2011 годзе. З таго часу адбылося больш за 50 перформансаў у Беларусі, Расіі, Украіне, Чэхіі, Польшчы, Германіі, Латвіі.
Дэвіз EG: «Скульптар як перформер, перформер як скульптура».
Метад EG: Мультымедыйная мясасечка, якая ператварае асабістыя перажыванні і філасофскія канцэпты ў аснову для яркага, эфектнага і часам жорсткага шоў.
Удзельнікі:
Павел Вайніцкі (скульптура);
Юрый Цімафееў (відэа);
Ілля Сін (экзістэнцыйная клаўнада);
Яўген Рагозін (саўнд-дызайн).
У межах Беларускай рэзідэнцыі «Dukley European Art Community» гурт ЭG працягнуў працу над серыяй перфарматыўнага відэа-арту «The Best Place to Wake up».
Сёння гэты слоган з турыстычнага даведніка гучыць здзекліва: ён адсылае да зусім нядаўніх часоў, калі наша ўпэўненасць у заўтрашнім дні і трываласці асноў свету была непарушнай. Аднак зараз не так і лёгка прадбачыць, дзе і ў якіх умовах ты прачнешся заўтра.
На адкрыцці прэзентуюць вынікі рэзідэнцыі, а таксама інтэрактыўны перфоманс. На вачах гледачоў і пры іх непасрэдным удзеле будуць створаны і трансфармаваны перфарматыўныя аб’екты. Некаторыя з іх стануць часткай экспазіцыі разам з відэапраекцыямі.
Уваход вольны.
