Прага Францішака Скарыны
выезд з Мінска (Прага (Чэхія))
195 еўра + 45 BYN
Запрашаем вас у найцікавейшае навуковае падарожжа ў чэскую Прагу 5-9 траўня 2017 года разам з доктарам філасофіі, доктарам сакральнай тэалогіі Ірынай Дубянецкай.
Ірына Міхайлаўна Дубянецкая — біблііст, доктар філасофіі, доктар сакральнае тэалогіі. Акадэмічны дырэктар Беларускага калегіюма.
“6 жніўня 1517 году — у дзень Перамянення Гасподняга — Францішак Скарына абвясціў Перамяненне для свайго народу: ён даў сваёй краіне друкаваную кнігу і тым самым улучыў яе ў еўрапейскія цывілізацыйныя зрухі , і больш за тое, ён даў сваім людзям Біблію — асноўны аб’яднаўчы тэкст Заходняга свету — на мове, набліжанай да народнай, і тым самым паставіў сваю культуру на самы перад тых цывілізацыйных зрухаў”.
Ірына Дубянецкая, “Дзеяслоў” №1 – 2017 (86)
Падчас вандроўкі па чэскай Празе мы з вамі наведаем тыя мясціны, дзе калісьці жыў і працаваў беларускі першадрукар Францішак Скарына:
Старамесцкая плошча ў гістарычным цэнтры Прагі;
Астранамічны гадзіннік на ратушы;
Будынак, дзе, па меркаваннях навукоўцаў, выйшла у свет першая друкаваная кніга на беларускай мове;
Сабор Святога Віта у Пражскім Градзе;
Карлаў мост;
Каралеўскія сады і паркі Прагі;
Таксама наведаем шмат іншых месцаў, звязаных з вядомым асветнікам і гуманістам.
Праграма падарожжа яшчэ будзе ўдакладняцца, чакаюцца цікавыя сустрэчы!
Падчас навуковага падарожжа з Ірынай Дубянецкай, разам мы будзем шукаць адказы на шэраг вострых пытанняў, звязаных з жыццем, сутнасцю дзейнасці і поглядамі Францішака Скарына, а таксама пытанняў, звязаных з фармаваннем беларускай ідэнтычнасці, напрыклад:
Чаму можна назваць 2017 год – годам 500-годдзя беларускай ідэнтычнасці;
Якое значэнне мелі пераклады Бібліі ў культуратворчым і нацыятворчым працэсах;
Як ідзе працэс перакладу Бібліі ў нашыя часы.
Кошт – 195 еўра + 45 BYN
Сюды ўключаны: транспартныя паслугі, пражыванне ў гатэлі і сняданкі, экскурсійнае абслугоўванне, медыцынская страхоўка.
Віза робіцца бясплатна.
Вялікая просьба, сябры: аб жаданні удзельнічаць неабходна паведаміць да 15.04.2017!
Калi вы ўжо вызначылiся адносна свайго ўдзелу ў падарожжы, то паведамце аб гэтым, патэлефанаваўшы па нумары: +375 (29) 180-28-38 Святлане
