“Праз Люстэрка і што там убачыла Аліса” Л. Кэрала і “Караліна” Н. Геймана – для беларускіх дзетак і дарослых!
09.04.2017
16:00 - 16:00
Этнакрама "Цудоўня" (В.Траецкая, 14)
Уваход вольны
Прэзентацыя ад перакладніц
Вера Бурлак, Дар’я Вашкевіч.
9 красавіка (нядзеля)
16.00
В.Траецкая, 14 (“Цудоўня”)
Льюіс Кэрал. “Скрозь люстэрка, і што ўбачыла там Аліса”, Ніл Гэйман “Караліна” – хіба хтосьці не чуў пра гэтыя кнігі?
Дзве жанчыны-творцы падорылі беларускім дзеткам (і не толькі!) магчымасць прачытаць іх па-беларуску!
Запрашаем гарадзенцаў пазнаёміцца з перакладчыцамі і кнігамі, паслухаць, што ўкладзена ў гэтыя выданні, атрымаць асалоду і аўтографы. На прэзентацыі кнігі загавораць жывымі галасамі перакладніц і Алеся Дзянісава.
***
Сусветна вядомая казка Льюіса Кэрала “Скрозь люстэрка, і што ўбачыла там Аліса” – адзін з самых загадкавых твораў класічнай літаратуры Вялікабрытаніі, ужо другое стагоддзе вабіць як дзяцей, якім яна непасрэдна прызначалася, так і дарослых. Арыгінальныя ілюстрацыі Кацярыны Дубовік суправаджаюць у падарожжы ў Залюстэркавы свет і дазваляюць адчуць сябе ўдзельнікам фантастычнай гульні — шахматнай партыі, разыгранай Льюісам Кэралам. Спадар Льюіс – вялікі аматар гульні з вобразамі і словамі, таму не абы як цікава, як жа ягоныя моўныя загадкі разгаданыя ў беларускім перакладзе. Акрамя таго, Вера Бурлак – выдатная паэтка, падзеліцца таксама і ўласнымі паэтычнымі вобразамі, якія кранаюць і дзетак, і дарослых.
***
“Караліна” – гэта кніга, напісаная для дзяцей вядомым англійскім пісьменнікам-фантастам Нілам Гэйманам, але ёй зачытваюцца і дарослыя. Кніга, якая атрымала 16 прэстыжных літаратурных прэмій. Мультыплікацыйны фільм па водле яе таксама атрымаў некалькі прэмій і нават намінаваўся на «Оскар» за найлепшы анімацыйны фільм. Гэта кніга, перакладзеная на 30 моваў свету. Пісьменніца і перакладніца Дар’я Вашкевіч далучыла да гэтага карагоду і нашую мову, каб беларускія дзеці таксама раслі адважнымі..
Падрабязнасці па тэлефоне (33) 6232616 Андрэй Несцяровіч, этнакрама “Цудоўня”
Даведка: Этнакрама «Цудоўня» (Горадня) – рамесныя вырабы ў традыцыйным стылі, падарункі, сувеніры і прадметы побыту.
