Дата: 17 красавiка, 18.30
Месца: ZНЯТА STUDIO (г. Мiнск, вул. Кастрычнiцкая, 19М)
Для рэгiстрацыi: дасылайце iмя и e-mail на адрас yana@znyata.com
Кантакт для даведак: Яна Галынская, +375 29 708 24 86
Фотапартал ZНЯТА запрашае на прэзентацыю кнігi з серыі «Энцыклапедыя рарытэтаў» – «Беларусы ў фотаздымках Ісака Сербава 1911–1912 гадоў». Наш госць – складальнiк, аўтар уступнага артыкула Вольга Аляксандраўна Лабачэўская.
У альбоме ўпершыню публікуецца 442 арыгінальных этнаграфічных фотаздымкаў выдатнага беларускага этнографа Ісака Абрамавіча Сербава (1871–1943), якія захоўваюцца ў аддзеле рукапісаў Бібліятэкі Вільнюскага універсітэта (Літва). Фотаздымкі былі створаны падчас навуковых экспедыцый этнографа па Беларусі ў 1911–1912 гг. па заданні Паўночна-Заходняга аддзела Імператарскага Рускага геаграфічнага таварыства ў Вільні.
У сваіх фотаработах І.А. Сербаў адлюстраваў для нашчадкаў традыцыйную беларускую вёску напярэдадні Першай сусветнай вайны і рэвалюцый 1917 года. Выданне адрасавана ўсім, хто цікавіцца этнаграфіяй, культурай, традыцыйным адзеннем, архітэктурай Беларусі, гісторыяй развіцця беларускай фатаграфіі. Арыгіналы фотаздымкаў захоўваюцца ў аддзеле рукапісаў Бібліятэкі Вільнюскага універсітэта.
На сустрэчы пойдзе размова пра:
– гісторыю беларускай этнаграфічнай фатаграфіі ў пачатку ХХ ст.
– гісторыю стварэння фотаздымкаў І.А. Сербава ў 1911 – 1913 гг.
– метады этнаграфічнага фатаграфавання ў пачатку ХХ ст.
– лёс калекцыі фотаздымкаў І.А. Сербава
– этнаграфічныя фотаздымкі як сродак нацыянальнай ідэнтыфікацыі.
У якасці бонуса ўдзельнікам сустрэчы быдзе прапанавана анонс-прэзентацыя невядомай калекцыі самых ранніх беларускіх краязнаўчых фотаздымкаў 1867 года, зробленых Міхаілам Кусцінскім.
Вольга Аляксандраўна Лабачэўская
Дацэнт кафедры этналогіі і фальклору Беларускага дзяржаўнага універсітэта культуры і мастацтваў, кандыдат мастацтвазнаўства, дацэнт. Вывучае пытанні тэорыі і гісторыі беларускага народнага дэкаратыўна-прыкладнога мастацтва, промыслаў і рамёстваў, гісторыю этнаграфічнай фатаграфіі на Беларусі. Аўтар больш 200 публікацый, у тым ліку навуковых манаграфій, раздзелаў у калектыўных манаграфіях, навукова-папулярных выданнях.
Крынiца: znyata.com
