3 снежня а 19:00 галерэі Ў (пр. Незалежнасці 37а) адбудзецца прэзэнтацыя сайта Віртуальнага музея савецкіх рэпрэсій у Беларусі
represii.net
Матэрыялы для гэтага музея: аўдыё- і відэаінтэрв’ю з ахвярамі савецкай сістэмы, дакументы, фотаздымкі – збіраліся цягам 8-мі гадоў, пачынаючы з 2007-га года.
Асноўнай мэтай музея з’яўляецца захаванне памяці пра савецкія рэпрэсіі, а таксама распаўсюд і данясенне да грамадства ведаў пра трагічныя падзеі савецкага мінулага праз асабістыя сведчанні канкрэтных асобаў – ахвяраў і сведкаў камуністычных рэпрэсіяў.
У прэзэнтацыі возьмуць удзел вядомыя гісторыкі, музеязнаўцы, грамадскія дзеячы. Чакаюцца выступы спевакоў Таццяны Грыневіч, Андрэя Мельнікава і Касі Камоцкай.
Падчас прэзэнтацыі будуць падведзеныя вынікі і ўзнагароджаныя пераможцы першага гарадскога квэста Музея савецкіх рэпрэсіяў, які адбыўся 31 кастрычніка ў Менску.
Запрашаем да ўдзелу ўсіх людзей, неабыякавых да трагічных старонак гісторыі Беларусі 20 стагоддзя, да жахлівых камуністычных рэпрэсіяў у Беларусі, чые наступствы адчуваюцца ў нашым грамадстве і сёння.
