закрыць
Мінск Літаратура

Прэзентацыя факсімільнага выдання кнігі Максіма Багдановіча «Вянок» у Мінску

10.06.2025 17:00 - 19:00 музей Максіма Багдановіча (вул. Багдановіча, 7а) Бясплатнае

 

У аўторак, 10 чэрвеня, у музеі Максіма Багдановіча адбудзецца прэзентацыя факсімільнага выдання зборніка Максіма Багдановіча «Вянок». 




У далёкім 1913 годзе, у Вільні, убачыў свет першы зборнік вершаў Максіма Багдановіча «Вянок». 

У першай рэцэнзіі на кнігу крытык Антон Луцкевіч параўноўваў паэзію маладога беларускага аўтара з чыстай халоднай крынічнай вадой, што асвяжае душы людзей. 

Больш за стагоддзе мінула з таго часу, з друку выйшла шмат кніг Максіма Багдановіча, але маленькая, сціпла выдадзеная кніга паэзіі застаецца запатрабаванай.

 У 1985 годзе ў выдавецтве «Мастацкая літаратура» было падрыхтавана першае факсімільнае выданне «Вянка», тыраж у 10 тысяч асобнікаў разышоўся ледзь не імгненна. 

Былі і яшчэ перавыданні, і яны знайшлі сваіх гаспадароў, а інтарэс да асобы паэта і да яго вечнай паэзіі не знікае. 

Новае факсімільнае выданне кнігі «Вянок» выдадзена ў 2025 годзе ў межах дзяржаўна-прыватнага супрацоўніцтва пры падтрымцы кампаніі «ЛОДЭ» і крамы «Акадэмічная кніга». 


Уваход вольны. 


дадаць у google каляндар

Вам можа быць цікава

Русалле ў Суле

07.06.2025 14:00 - 08.06.2025 17:00 парк гісторыі Сула
Мінск Іншае

Вальжына Морт у Берліне

10.06.2025 (16:00 - 18:00) silent green (Gerichtstraße 35)
Берлін Літаратура

Купалле ў Сіэтле

13.06.2025 12:00 - 15.06.2025 18:00 850 Camp Koinonia Lane Cle Elum
Іншае Вечарыны

Апошняе
на Budzma.org

чытаць яшчэ

Папулярнае

чытаць яшчэ

Важнае пра нас

© 2008-2025, Budzma.org