Прэзентацыя кнігі Таццяны Заміроўскай «Эўрыдыка, правер, ці выключыла ты газ» у Н’ю-Ёрку

У нядзелю, 10 лістапада, у Брукліне адбудзецца прэзентацыя кнігі Таццяны Заміроўскай «Эўрыдыка, правер, ці выключыла ты газ».

---

Дата: 10 лістапада

Час: 18.00 (час мясцовы)

Месца: MyBiblioteka, 731 Washington Avenue, Brooklyn, NY

 Надоечы зборнік постфікшн/мемуарных эсэ пад назвай «Эўрыдыка, правер, ці выключыла ты газ» выпусціла беларускае выдавецтва «Мяне Няма» (Варшава). 

У гэтай кнізе спадарыня Таццяна нарэшце ўспамінае, што ў мінулым жыцці была музычным журналістам — і праз гэтую прывідную ідэнтычнасць спрабуе пагаварыць аб прывідным, але важным: аб доме, памяці, забытых вуліцах Мінска, канцэрце Radiohead у барысаўскім доме уультуры, філасофскіх рэйвах, макаронах у канцлагеры, каханні і смерці. 

На прэзентацыі выступяць дарагія сэрцу і душы аўтаркі паэтычныя сяброўкі — Вера Паўлава, Юлія Чарнышова, Васіліна Арлова. 

Будуць чытаць пра слёзы, гукі і паслясмерць. А яшчэ будзе віно і закускі. 

Уваход вольны. Рэгіструйцеся па спасылцы.