Прэзентацыя новай кнігі Аляксандра Гужалоўскага
Пачатак: 18.10 (19:00)Канец: 18.10 (19:00)
Галерэя TUT.BY
ПРЭЗЕНТАЦЫЯ КНІГІ АЛЯКСАНДРА ГУЖАЛОЎСКАГА “СЭКСУАЛЬНАЯ РЭВАЛЮЦЫЯ Ў САВЕЦКАЙ БЕЛАРУСІ Ў 1917–1929 гг.” з удзелам і каментарамі аўтара – магчымасць пазнаёміцца з амаль недаследаванай у нашай гістарычнай навуцы тэмай і комплексам матэрыялаў, задаць пытанні даследчыку. Пазіцыя аўтара грунтуецца на тым, што базавыя інстынкты чалавека, у тым ліку сэксуальны, ніводная чалавечая цывілізацыя не была здольная забараніць ці адмяніць. Тым не менш, усе цывілізацыі выпрацоўвалі сістэмы рэгулявання сэксуальнага інстынкта ў выглядзе маральных і юрыдычных забаронаў. Таталітарныя дзяржавы, што існавалі ў ХХ стагоддзі пайшлі далей і паспрабавалі выкарыстаць сэксуальную энэргію насельніцтва – гэты адвечны рухавік – як інструмент сацыяльнага праектавання. У СССР сэксуальнасць і сэксуальныя паводзіны людзей імкнуліся змяніць ў залежнасці ад змены правіцеляў і палітычнага курса краіны. Сэксуальнасць у Савецкім Саюзе прайшла цыкл ад нечуванай свабоды 1920-х гг. праз кансерватызм эпохі сталінізма і адносна ліберальныя дзесяцігоддзі “развітога сацыялізма” да сэксуальнага бума канца 1980-х – пачатку 1990-х гг. Кніга прысвечана непрацягламу перыяду кардынальнах змен адносінаў паміж паламі, якія адбываліся ў Савецкай Беларусі у канцы 1910-х – 1920-х гг. і атрымалі назву “сэксуальнай рэвалюцыі”.
Уваход вольны.
