Прэзентацыя “Валацуг” Аляксея Талстова
Пачатак: 09.04 (19:00)Канец: 09.04 (21:00)
кнігарня "логвінаЎ"
У чацвер, 9 красавіка адбудзецца доўгачаканая прэзентацыя рамана-падарожжа пісьменніка і мастака Аляксея Талстова «Валацугі» (http://34mag.net/piarshak/post/valacugi/).
Прэзентацыя пройдзе ў фармаце прыватнай вечарыны для ўсіх ахвотных, будзе мала ўрачыстых прамоў і шмат добрай музыкі ды прыемных размоў.
Прыходзьце падпісаць кнігу і паціснуць руку яе аўтару, а таксама паслухаць дыджэяў з Delay Sound System i пагутарыць пра доўгую дарогу і непазбежнасць вяртання дамоў.
Кнігу можна бясплатна спампаваць на электроным мультылейбле «Пяршак» http://34mag.net/piarshak/ ці набыць папяровую версію ў Кнігарні «ЛогвінаЎ». Пачатак а 19
крыху пра кнігу. Аляксей апошнія пяць гадоў значную частку свайго часу глытаў пыл дарог Паўднёва-Усходняй Азіі разам з такімі ж, як ён, прафесійнымі даўншыфтарамі з усяго свету. Гэты вопыт быў пакладзены ў аснову яго новага рамана. «Валацугі» – гэта медытатыўнае разважанне бэкпэкера, які калісьці сарваўся па прыгоды, ды так і не вярнуўся да «нармалёвага», звыклага для большасці жыцця.
