“Прывітанне, Мама Му!”: выступ «Лямцавай батлейкі» (Віцебск)

29.10.2015 15:00 - 17:00 Віцебскі дзіцячы дом (вул. Свідзінскага, 9) Бясплатнае

29 кастрычніка ў 15.00 – Сустрэча Юі Вісландэр з чытачамі, выступ «Лямцавай батлейкі» ў Віцебскім дзіцячым доме (вул. Свідзінскага, 9)

 

28-30 кастрычніка 2015 года Пасольства Швецыі пры падтрымцы Савета па культуры Швецыі ладзіць у Мінску і Віцебску цыкл сустрэч  з выбітнай дзіцячай пісьменніцай Юяй Вісландэр, аўтаркай сусветна вядомай серыі казак пра Маму Му і Крумкача.

Падчас сустрэчаў шведская пісьменніца пазнаёміць маленькіх чытачоў з  новай кніжкай «Мама Му ў басейне», якая пабачыла свет па-беларуску дзякуючы супольным намаганням перакладчыцы Надзеі Кандрусевіч і выдавецтва «Логвінаў».  Падарункам для дзетак стане таксама выступ лялечнага тэатрыка  «Лямцавая батлейка», які прапануе сваю версію новай кніжкі пра прыгоды незвычайнай кароўкі і яе вясёлага сябра крумкача. Завершыць мерапрыемства невялічкі майстар-клас, на якім дзеткі самі зробяць сувенірчык на памяць пра цікавае знаёмства. Сустрэчы адкрые Пасол Швецыі ў Рэспубліцы Беларусь Марцін Оберг, а напрыканцы кожны, хто пажадае, зможа ўзяць аўтограф у Юі Вісландэр і сфатаграфавацца з яе цудоўнымі персанажамі.

У рамках візіту шведскай пісьменніцы адбудзецца таксама круглы стол, прысвечаны перспектывам развіцця дзіцячай літаратуры ў Беларусі, у якім возьмуць удзел беларускія дзіцячыя пісьменнікі, перакладчыкі і выдаўцы.

Расклад мерапрыемстваў


Вам можа быць цікава

Васільковыя пленэры ў музеі-дачы Васіля Быкава пад Мінскам

05.07.2025 14:00 - 26.07.2025 17:00 музей-дача Васіля Быкава (вул. Дачная, 62)

Выстава «Фрыда» ў Гродне (6+)

16.07.2025 18:00 - 18.08.2025 19:00 выставачная зала (вул. Ажэшкі, 38)

BREST ROCK FEST у Брэсце

19.07.2025 (18:00 - 22:00) DD11 (Дзмітрыя Данскога, 11)

Апошняе
на Budzma.org

чытаць яшчэ