Публічная лекцыя Фелікса Аккермана “Мульцікультуралізм у Беларусі? Мінулае і будучыня культурнай разнастайнасці ў агульнеўрапейскай і лакальнай перспектыве”
Пачатак: 25.04 (17:00)Канец: 25.04 (19:00)
Кавярня "Чайкоффский"
Інтэрнэт-партал «Новая Эўропа» ў межах СпецПраекта: “Еўрапейскае кафе: адкрытая прастора Еўропы” пры супрацоўніцтве інтэрнэт – партала “Твой стыль”
25 красавіка, 17:00
Кавярня “Чайкоффский” (пр-т Касманаўтоў, 6а)
Запрашаем на публічную лекцыю Фелікса Аккермана
“Мульцікультуралізм у Беларусі? Мінулае і будучыня культурнай разнастайнасці ў агульнеўрапейскай і лакальнай перспектыве.”
Раз на два гады ў Гародні праходзіць фестываль нацыянальных культур, які адлюстроўвае асаблівую пост-савецкую практыку прадстаўлення этнічнай разнастайнасці. Але як гэта суадносіцца з практыкамі паўсядзённага жыцця розных сацыяльных группаў? І як можа спрыяць з’яўленню вымярэння мультыкультуралізму ў сучаснай Беларусі? Гісторыя Гародні – гэта гісторыя перыядычнай змены адной ўлады на іншую, і тым, хто яе атрымаў, заўсёды прыходзілася мець справу з лакальнай культурнай і этнічнайх разнастайнасцю. Улады царскай Расіі, Польшчы, Германіі і Савецкага саюза мелі свае канцэпты этнасу і нацыянальнасці, і ўжывалі іх да насельніцтва рэгіёну. Змена гэтых канцэптаў была ў цэнтры лакальнай гісторыі Гародні на працягу ўсяго 20-га стагоддзя. Фелікс Аккерман на аснове свайго ўласнага даследавання прадэманструе, як змяняліся ўяўленні пра этнічнасць, а таксама як іх выкарыстоўвалі пры разбурэнні мясцовых супольнасцяў ў Гродне. Ён разгледзіць наступныя пытанні: ці былі ў міжваеннай Гародні публічныя пляцоўкі, дзе этнічную разнастайнасць артыкулявалі і абмяркоўвалі? Ці ўплывае сучаснае развіццё этнічных супольнасцяў на ўзмацненне грамадзянскасці і ўзаемаразумення ў грамадстве? Нарэшце, ці мае наогул сэнс ўжываць ліберальныя канцэпцыі правоў меншасцяў да сучасных беларускіх рэаліяў?
Фелікс Аккерман (Felix Ackermann)
Дацэнт DAAD па прыкладной культуралогіі ў ЕГУ. У 2008 атрымаў ступень доктара філасофіі па «культурнай гісторыі», абараніўшы дысертацыю на тэму гісторыі этнічнасці Гродна. У 2011 апублікаваў кнігу “Palimpsest Grodno” (на нямецкай мове). Вучыўся ў Франкфурце, Слубіцэ і Лондане, у 2001 годзе заснаваў Інстытут прыкладной гісторыі, які даследуе пытанні лакальнай памяці, публічнай прасторы і разнастайнасці ў «падзеленым горадзе». У 2008-2011 гадах быў дырэктарам грантавай праграмы «Geschichtswerkstatt Europa» фонду «Erinnerung, Verantwortung und Zukunft».
Мова лекцыі: беларуская
Уваход вольны!
