“Пяцісотгоднасць” завітае ў Нарач
Пачатак: 19.03 (16:00)Канец: 19.03 (16:00)
Цэнтр творчасці і турызму дзяцей і моладзі Мядзельскага раёну
19 сакавіка а 16-й у Нарачы ў Цэнтры творчасці і турызму дзяцей і моладзі Мядзельскага раёну адбудзецца імпрэза ў рамках святкавання 500-годдзя беларускага кнігадруку. Удзельнікі імпрэзы — Ганна Янкута, Кацярына Маціеўская і Ігар Крэбс — ушануюць разам з гасцямі імпрэзы годную справу Францыска Скарыны і раскажуць пра навінкі сучаснага беларускага кнігавыдання.
На імпрэзу запрашаюцца дзеці і дарослыя, якіх чакаюць:
— чытанні дзіцячых казак Тона Тэлегена, Вільгельма Гаўфа і асобных, самых нястрашных гісторый пра барона Мюнхгаўзэна;
— конкурсы на веданне беларускай літаратуры;
— конкурсы на найлепшы малюнак пра барона;
— чытанні самых страшных гісторый пра барона Мюнхгаўзэна, пакуль дзеці малююць;
— гісторыі пра тое, як робяцца беларускія пераклады і чым яны адрозніваюцца ад рускіх;
— расказ пра цікавыя асаблівасці беларускага Шэрлака Холмса;
— раскрыццё таямніцы, чаму вядомы ўсім нам Франкенштэйн па-беларуску перакладзены як Франкенштайн, а Мюнхаўзен — як Мюнхгаўзэн;
— паэтычныя чытанні з серыі “Паэты планеты”;
— чытанні самых яркіх фрагментаў з “Саламеі” Ўайлда (пакуль дзеці ўсё яшчэ малююць);
— і многае, многае іншае.
Прыходзьце самі, бярыце дзяцей і ўсіх сяброў! Адзначым 500-годдзе першай беларускай кнігі разам!
