Спектакль "Расстраляныя" ў Гданьску (14+)

29 кастрычніка (гэта будзе серада) у Гданьску граюць спектакль "Расстраляныя".

"Расстраляныя" - гэта гісторыя пра творцаў, якія сталі ахвярамі сталінскіх рэпрэсій.

У ноч з 29 на 30 кастрычніка 1937 года ў Мінску былі забітыя 132 прадстаўнікі беларускай інтэлігенцыі, у тым ліку вядомыя літаратурныя дзеячы.

Дзеянне адбываецца ў межах "Чорнай ночы", але п'еса расказвае значна больш: пра жыццё, пражытае ў цені гвалту, пра каханне і веру, радасць і расчараванне, і пра механізм рэпрэсій, водгалас якога адгукаецца і сёння. 

Вершы больш чым дзясятка паэтаў розных пакаленняў былі пакладзены на музыку і рэзануюць у сучасных аранжыроўках. 

Яны пераплятаюцца з дакументальнымі сведчаннямі і ўспамінамі, ствараючы напружаную гісторыю пра тое, як паэзія можа перажыць нават смерць сваіх аўтараў.

Спектакль ідзе на беларускай і польскай мовах з субтытрамі.

Працягласць - 90 хвілін.

Рэжысёрка - Жэня Давідзенка

У ролях:

Міхал Кавальскі
Наталля Бібікава
Анджэй Бібікаў
Лізавета Мілінцэвіч
Анджэй Скуніцкі
Вольга Гаховіч
Марыя Пінчук
Любоў Цыдзіла
Жэня Давыдзенка

Квіткі коштам 70 злотых можна набыць у касе Шэкспіраўскага тэатра ці па спасылцы. 

Частка сродкаў ад продажу квіткоў пойдзе на дапамогу палітвязням у Беларусі.