З 28 лістапада па 3 снежня 2022 года Менская урбаністычная платформа ладзіць пятую міжнародную анлайн-канферэнцыю, тэма якой — «Рэабілітацыя».
Дата: з 28 лістапада па 3 снежня
Час: па вечарах
Месца: анлайн
Спікеры і спікеркі разам з вамі паспрабуюць адрэфлексаваць стан розных кампанентаў горада праз паняццерэабілітацыі.
Горад як комплексны арганізм заўсёды быў змушаны рэагаваць на любыя выклікі чалавецтва і прапускаў праз сябе наступствы крызісаў.
Крызісы апошніх некалькіх гадоў дапамаглі ўбачыць, што кожны элемент сістэмы гарадскога планавання і праектавання патрабуе рэабілітацыі.
Нароўні з гэтым важна рэабілітаваць і падтрымаць сувязі паміж прафесіяналамі і прафесіяналкамі сферы.
Розныя аспекты гэтай складанай з’явы і абмяркуюць падчас канферэнцыі: вывучайце праграму па спасылцы.
Удзел бясплатны.
Рэгіструйцеся на сайце канферэнцыі па той жа спасылцы — і вам дашлюць спасылку на ўдзел.
