Сеанс беларускіх дакументальных фільмаў у Маўнцін-В’ю
Пачатак: 17.11 (19:00)Канец: 17.11 (21:00)
Dive Bar
У пятніцу, 17 лістапада, у Маўнцін-В’ю ладзяць прагляд беларускіх дакументальных фільмаў.
Дата: 17 лістапада
Час: збор — 19.00, пачатак — 19.30 (час мясцовы)
Месца: Dive Bar, 450 San Antonio Road, Mountain view, CA
У праграме:
«Чатыры колы далей ад цэнтра» Лены Ле
Чацвёра, якія асабіста ведаюць мастачку Марыну Капілаву, паведамляюць, што яны думаюць пра яе. Гэтыя людзі і ёсць чатыры колы фільма — сябры, калегі ды суседка па двары. Гісторыі герояў перакрыжоўваюцца, рэальнасць уступае ў спрэчку з фантазіяй.
«Стрыптыз і Вайна» Андрэя Куцілы
У ваенным гарадку пад Мінскам жывуць дзед і ўнук. Падпалкоўнік авіяцыі ў адстаўцы, дзед верыць у ідэалы савецкага мінулага. Унук жа кінуў прафесію інжынера і спрабуе ажыццявіць мару — стварыць тэатр эратычнага танца.
Канфлікт пакаленняў робіцца роздумам аб супярэчнасцях постсавецкай прасторы.
Уваход вольны, і можна будзе заданаціць на падтрымку сем’яў палітвязняў.
